21:47 Ֆլորա Մարտիրոսյանի աճյունը ԿՏԵՂԱՓՈԽՎԻ ՀԱՅԱՍՏԱՆ | |
 Նոյեմբերի 20-ին ԱՄՆ-ում մահացած երգչուհի Ֆլորա Մարտիրոսյանի աճյունը հաստատ կտեղափոխեն Հայաստան: Գրում է news.am-ը, որի թղթակցի հետ զրույցում Ֆլորա Մարտիրոսյանի բարեկամ, երգչուհի Քրիստինե Պեպելյանն ասել է, թե զրուցել է ԱՄՆ-ի ազգականների հետ եւ ներկայացրել նրանց որոշումը: Թե կոնկրետ երբ կտեղափոխեն երգչուհու աճյունը, հայտնի չէ: Աճյունը տեղափոխելու համար դեռ մի քանի գործողություններ պետք է արվեն: Բարեկամները դեռեւս քննարկում են նաեւ, թե որտեղ հուղարկավորել Ֆլորա Մարտիրոսյանին՝ Կոմիտասի անվան պանթեոնում, թե քաղաքային պանթեոնում: Քրիստինե Պեպելյանը նշեց, որ առաջիկա օրերին ավելի ստույգ կկարողանան ասել, թե երբ կտեղափոխվի աճյունը եւ որտեղ կհուղարկավորվի: Անդրադառնալով համացանցում տարածված տեղեկություններին, թե Ֆլորա Մարտիրոսյանի ազգականները պատրաստվում են դատական գործ սկսել հիվանդանոցի դեմ, որտեղ վիրահատել էին երգչուհու լեղապարկը, Քրիստինե Պեպելյանը նշեց, որ դեռեւս ստույգ բան չեն կարող ասել: Մեր տեղեկություններով՝ չի բացառվում, որ, իսկապես, դատական գործընթաց սկսվի: Հայաստանի ժողովրդական արտիստուհի, հայտնի երգչուհի Ֆլորա Մարտիրոսյանը մահացել է նոյեմբերի 20-ին, ԱՄՆ-ում` 55 տարեկան հասակում:
| |
|
| |
| Մեկնաբանություններն ընդամենը՝: 0 | |